2014.8.10 新発田城 (新潟県)

為咗名城印，大清早就出發喇。

到達新発田駅，水靜鵝飛，無乜行人。

跟住指示，行咗十幾分鐘，終於到達新発田城。

行入去新発田公園就見到新発田城，好靚喎。

新発田城又叫「あやめ城」，本丸表門、旧二の丸隅櫓仍然現存。

三階櫓、辰巳櫓復修完畢，可以入去參觀。

新発田城開放時間由每年4月1日至11月30日，冬季期間唔開放，去參觀嘅朋友要注意喇。

去新発田嘅電車班次比較疏，等得車嚟，返到池袋差唔多天黑囉，逛咗一陣就去食晚餐嚕。