早上到甲府嘅武田氏館跡，主要為咗100名城印。
搭巴士約10分鐘，單程100円。
武田氏館跡又叫「躑躅ヶ崎館跡」，喺武田神社裏面，參觀無料。
嚴格嚟講，應該係武田神社喺武田氏館遺跡範圍至啱。
神社範圍有個「宝物殿」，個名城印就喺嗰道喇。
個城廢咗架喇，由護城河角度望過去都幾靚。
神社對面有賣手信嘅商店。
匆匆忙忙離開武田神社，立刻去甲府城。
甲府城喺舞鶴城公園裏面，參觀無料。
其實之前參觀過，今日再去都係為咗補返個100名城印。
名城印就喺稲荷櫓門口。
呢處係本丸遺跡。
作為公園，係一個唔錯嘅休憩地方。
