2013.12.22 善光寺 (長野県)

12月22日朝早搭JR到善光寺參拜，喺長野駅１番のりば可以搭路線バス於善光寺大門落車，時間約15分鐘，車費150円。行路嘅話約30分鐘，沿路都有好多嘢睇架。

行到善光寺參道(敷石)，見到大本願，就差不多到達善光寺喇，大本願以祈求合格、學業成就方面最靈驗。

跟住就到達仁王門，通過仁王門就係仲見世通り。

穿過仲見世通り，便到達山門，有興趣嘅話可以俾錢上山門二樓睇睇，然後進入本堂。

踏進本堂後，就見到雲上殿。

長野喺1998年舉辦過冬季奧運會，喺紀念碑旁邊已經樹立咗2020奧林匹克嘅宣傳。

行咗幾個鐘，回程時買咗個便當喺新幹線慢慢歎。

2013.12.20 松本城 (長野県)

12月20日朝早搭JR到松本，喺駅附近可以搭周遊バス，提供唔同嘅路線去唔同嘅景點，不過我揀咗行路，只係去參觀松本城，約15分鐘便可到達。

松本城喺安土桃山時代末期至江戸時代初期興建，喺國寶級嘅文化財，観覧料大人600円，係松本城天守&松本市立博物館との共通券。

當日天色昏暗，俾人一種淒美嘅感覺。

入城後，先蓋個紀念印。

行去天守閣時，突然大雪紛飛，呢位英勇嘅武士，無懼風雪，繼續跟遊客拍照。

天守閣有六層高，擺設咗各種具歷史價值嘅展品。

D樓梯每級都又高又窄，幾經辛苦行到頂層，俯瞰咁靚嘅景色都值得嘅。

回程時喺駅見到呢個牌，原來都好有歷史價值架。