7月22日朝早經軽井沢搭しなの鉄道去小諸，大約半個鐘就到喇。
駅附近都有D景點，我哋沿路跟住D指示行，先去參觀懷古園。
小諸城址收納喺懷古園裏面，呢張夏季特別版嘅入場門係通用票，大人500円，可參觀藤村記念館、徴古館、小山敬三美術館&動物園。
小諸城有唔同嘅城門，不過而家只剩低D遺跡。
中午喺懷古園裏面間そば店食LUNCH。
夏季限定嘅梅子蕎麥冷麵，非常「齋」，要980円。
間舖頭嘅裝飾好懷舊，呢D係以前嘅日元貨幣。
懷古園嘅環境好寧靜，當日好少遊客，數埋唔知有無二十人。
2013年6月富士山被列入世界文化遺產，喺懷古園呢個位置可以見到富士山，不過要用望遠鏡至睇得到囉。
食完LUNCH就進入動物園，裏面雖然好細，但係都有唔同種類嘅動物。
跟住又去參觀美術館
& 博物館。
離開懷古園嘅範圍就去義塾睇睇。
呢間私立義塾，明治26年開校，喺課室裏面可以見到當時嘅傢具&相關物品。
